13 de febreiro, Día Mundial da Radio 2026

Polo Día Mundial da Radio o alumnado de quinto e sexto de primaria elaborou un programa sobre a historia da radio e algunha sorpresiña máis ;)

Escoitade...

Informativo Benvido 2026

Deixámosvos aquí o informativo elaborado polo alumnado de 5º de Educación Primaria no Obradoiro de Radio impartido por Susana Bastón o pasado 8 de xaneiro.

Agardamos que vos guste!!!

Obradoiro de Radio con Susana Bastón

Onte, o alumnado de 5º de Educación Primaria, realizou un Obradoiro de Informativos Radiofónicos con Susana Bastón.

Achegáronse ao mundo da radio e á súa linguaxe e características para, finalmente, elaborar un informativo con todas as súas seccións, no que participou todo o grupo clase.

En breve poderedes gozar do podcast.

                             

Día das Bibliotecas 2025: PDI "Seres Covasmola"

Hoxe, 24 de outubro, é o Día das Bibliotecas. Feliz Día!!!

Con motivo desta data tan especial as colaboradoras da Bibliocovas prepararon un programa de presentación do Proxecto Documental Integrado para este curso 2025-2026.

O proxecto denomínase "Seres Covasmola".

DÍA MUNDIAL DA RADIO

O 13 de febreiro celebramos o Día Mundial da Radio. Para conmemoralo, o alumnado do contexto lingüístico de primeiro e terceiro ciclo preparou un noticiario. Os estudantes de primeiro e segundo curso encargáronse das noticias, mentres que os de quinto e sexto crearon os anuncios publicitarios. Foi unha experiencia divertida e enriquecedora! Parabéns a todos polo seu gran traballo! Dende PONTE NAS ONDAS tamén divulgaron o noso programa!

FLORECE COVASMOLA POLO NADAL

Durante a última semana do ano, o alumnado de 5º de Educación Primaria encargouse de realizar un marabilloso labor de documentación sobre as diferentes actividades que se realizaron no centro, encadradas dentro do noso proxecto documental integrado "Florece Covasmola". Tralo proceso de documentación, o alumnado realizou este fantástico podcast. Non deixedes de escoitalo!

DÍA INTERNACIONAL DOS DEREITOS DA INFANCIA

Con motivo do Día Internacional dos Dereitos da Infancia, o alumnado de 5º de Primaria realizou un programa de radio moi especial centrado nos dereitos fundamentais dos nenos e nenas de todo o mundo. Esta data tan sinalada conmemora a aprobación da Convención sobre os Dereitos do Neno pola Asamblea Xeral das Nacións Unidas en 1989, un documento fundamental que recoñece os dereitos que toda persoa menor de 18 anos debe ter garantidos para un desenvolvemento pleno e saudable.

OBRADOIRO DE RADIO

Hoxe o alumnado de 5º de Educación Primaria participou nun obradoiro de radio impartido por Damián Alonso de "Ponte nas Ondas". Na primeira parte da xornada, o alumnado fixo exercicios orais para mellorar a entoación, a pronunciación, a vocalización...todos moi útiles para expresarse do mellor xeito posible diante dun micro. Na segunda parte da xornada, o alumnado organizouse por parellas. Cada parella escribíu unha breve escaleta sobre unha temática determinada. Finalmente, entre todos/as crearon un programa de radio que posteriormente gravaron. A continuación, podedes ver nas imaxes o ben que o pasaron e escoitar o fantástico programa de radio. Esperamos que vos guste!

ENTREVISTA A XIANA NAVAL

Para conmemorar o Día das Letras Galegas, o alumnado de 1º de Educación Primaria entrevistou a Xiana Naval. Ademais de ser exalumna deste colexio, acaba de converterse na actual presidenta do Colectivo Pensamento e Sementeira de Viveiro. Grazas a esta entrevista, o alumnado puido coñecer máis en profundidade o labor desta asociación que aposta pola cultura galega.

Entrevista a María Barbeito e a Eloy Moreno

No contexto lingüístico do 3° ciclo fixemos un traballo de investigación sobre a vida e obra de escritores e escritoras do interese do alumnado. Mergulláronse na grande aventura de buscar a información nos fondos da biblioteca para deseñar unha entrevista acorde ás caracteríaticas dos autores despois de dito proceso de documentación. Quedaron cunha muller do pasado, María Barbeito, é un home actual, Eloy Moreno e gravaron o podcast como periodistas e os propios autores. Este foi o resultado

Entrevista a Nuria Lestegás

Con motivo do Día Internacional da Muller (8M) , o alumnado de 5º de Educación Primaria convidou a Nuria Lestegás ao colexio para facerlle unha entrevista. Esta actriz da Mariña forma parte do gran elenco de actores e actrices que interpretan o seu papel na recente película "O Corno". Grazas á súa entrevista, o alumnado puido coñecer algúns aspectos relacionados co cinema galego e tamén,darse de conta de que o traballo de actriz é moito máis que o que se ve diante das cámaras, é preciso moito traballo previo como ocorre en calquera profesión. Moitas grazas polas túas palabras Nuria!

DÍA MUNDIAL DA RADIO

Hoxe celebramos no noso centro o Día Mundial Da Radio. Para esta data tan sinalada, o alumnado de 1º e de 2º de Educación Primaria fixo un pequeno programa sobre O Antigo Exipto, un tema sobre o que traballaron no contexto lingüístico. Son uns auténticos expertos da cultura exipcia! Esperamos que vos guste o programa tanto como lles gustou a eles facelo.

TEMPO DE OUTONO

O alumnado de 5º de Educación Primaria estivo investigando no recanto literario do contexto lingüístico sobre adiviñas, refráns, ditos e proverbios propios do outono. Aproveitaron esta información para grabar un podcast moi interesante na súa emisora de radio.

Non volo perdades!

<